許留山 (已結業)

細個果陣都幾鍾意食許留山/去許留山買嘢飲，不過人愈大愈來愈有要求......好多時會去試新嘢同追求更加好食嘅舖頭！早兩晚同朋友仔夜晚捉pokemon捉到好熱好攰，想食個凍糖水又唔想等位，所以去咗許留山。店內八成客都係遊客，一睇Menu，嘩！咩事貴咗咁多？不過最後一頁寫話有會員優惠，芒果系列有幾款糖水都係$27啫⋯⋯所以就叫咗個芒果水晶晶。雖然個糖水夠晒凍，但係芒果係酸嘅，仲要係超酸。一間賣芒果飲品同糖水都算出名嘅舖頭，d芒果可以咁酸真係好神奇，下次都係飲返西瓜蘆薈爽，應該係最正常嘅嘢嚟佢個雪糕定唔知雪葩，永遠好似食緊舊冰咁，加埋有少少奶味，唔掂如果正價，一定唔會食。