Thirty First of May (已結業)

約左從英國回來香港嘅朋友仔見面兼晚飯聚下，地點安排左荃灣方便我兩，而我選嘅西餐廳，係比它們的豪華海鮮拼盤2人套餐吸引左，價錢算合理$600還有找添。餐廳外圍亦好有情調，除室內還有室外坐位供客人選擇，好有外國feel 室內掛起大大細細月亮燈，裝飾好浪漫下！餐具也較特別的不規則既碟~~重點海鮮拼盤多款式選擇，有半隻龍蝦，鮮蝦，蜆，藍青口帶子刺身，生蠔同翡翠螺等，質素尚可，始終白灼要配埋cocktail醬汁，醋汁同豉油提鮮。輕煎吞拿魚芒果莎莎 芥末蛋黃醬芝麻賣相靚如畫食物材料豐富又美味，非常欣賞，芒果沙沙甜甜香香同煎吞拿魚又配合到，蛋黃醬撈埋多種口感！湯可選是日餐湯或者可選黑松露野菌忌廉湯是日餐湯係南瓜湯，不過我較喜愛黑松露同野菌嘅味道同香味，個湯好濃口感豐富，每口都係滿滿野菌味，微微菌碎但仍然滑口夠creamy。餐包也不錯，香脆送湯最正！繼續海鮮停不了，就係熱盤西班牙海鮮炒飯，飯炒得較乾身，味道控制也惹味，飯面海鮮鋪滿晒熱辣辣青口，蜆同已退殼虾肉。