小肥牛蒸氣石鍋火鍋專門店 (已結業)

之前食過蒸氣火鍋之後，一直都好想搵間又平又有質素嘅再去食，咁岩見到有介紹話呢間小肥牛有買四送一優惠，細看之下，原來就算兩個人去食都唔貴，所以我就同朋友來試吓質素如何。 呢間小肥牛位置真係非常方便，油麻地地鐵站一出轉彎就係，一坐低店員就已經非常友善咁為我地介紹套餐入面所包嘅食物，最底嘅係加＄25就有兩支藍妹樽裝啤酒！基本調味選擇首先上場嘅係海鮮拼盤——生蝦、龍蝦、鮑魚、貝類、魚，每樣都好新鮮，生蝦仲係好生猛。而龍蝦係南非品種，有返咁上下質素，所以蒸完之後肉質仲係非常彈牙，而蒸嘅時間恰到好處，肉身容易從殼中分離，味道鮮甜。鮑魚彈牙爽口，清甜貝類方面，就唔係非常令人印象深刻。《28選4》其他食物方面，好明顯睇得出係有質素嘅食物，竹笙較粗，食起嚟比較爽口，而且非常吸收湯底嘅精華，味道清甜。另外花膠方面，質感亦都爽脆，但一份只有兩條，確實唔太夠喉。肉類方面，牛展肉同羊肉卷都令人喜出望外，真係唔好以為二百幾蚊就食唔到好嘢，呢間嘅牛展肉肉味都幾濃！龍蝦粥底粥底已預先調味，隨時可接自己喜好而加入湯底中。如果4人黎食會比較好，因為海鮮份量係我既兩倍，所以粥底既鮮味一定會比我2人份量多好多！我既粥味道清甜