辣蟹莊 (已結業)

朋友試過介紹話呢間好抵食，$200唔駛就有海鮮火鍋任食，今次約多幾個朋友一齊黎試先。地點較為僻左少少，要行入大廈轉少少彎先到，唔講真係未必發現有食肆在裡面。星期五，六，日要加多$10先黎個海鮮併盤，呢個當然無得任食，但真係好新鮮，鮑魚，馬刀貝果d海鮮仲郁緊架。肥牛d紋分佈都好靚。湯底我地揀清清地既芫茜已好夠，唔怕蓋左d海鮮味。手打蝦丸任叫食材:飲品都是任飲，雖然選擇唔係太多。睇之前食評講話服務態度麻麻，但我又覺得ok喎，起碼叫加湯，問佢地野都算好態度，仲有同我地有講幾句笑。整體來說，個人覺得算不錯，坐位唔似油尖旺區果d咁迫，同埋都無限時催我地走，可以慢慢食。