尚點 小籠包.上海麵館 (元州商場) (已結業)

Facebook宣傳有杯緣子換，好想換阿輝同菇時，所以特登過嚟；尚點啲分店位置真係有啲唔方便，真係要山長水遠過嚟～食二人餐可以免費換兩隻杯緣子，其實咁樣比較抵；但係自己有執著食上海野一定要食某幾樣野，所以二人餐嘅內容唔係咁吸引，好彩佢有個選擇係食其中的一樣麥兜嘅食物加＄10可以換一隻，有彈性嘅選擇～ 前菜，叫咗尚點涼菜四款＄78，叫咗四季豆青瓜清爽健康好好味，脆皮素鵝都好味，排骨普通～燻蛋＄26兩隻，普通～小籠包＄36四隻，個皮就有啲硬～椒鹽小黃魚，兩條＄78，媽咪嘅至愛嘅菜式，外皮乾脆好味～油菜＄28價錢算平～跟住叫咗椰汁糕綠茶味同朱古力味$26一個，為咗可以換過杯原子，整得個圖案都好清楚得意，第一次未換到想要嘅，好彩第二次換到阿輝同菇時，不枉此行～