鄧記

營業中

休息中

平日lunch，人流唔算多。餐廳位於某大廈一、二樓，門口直上樓梯就到。場內環境燈光較為暗黃，營造氛圍都較舒適，及好安靜。三人食得唔多，叫咗一個二人餐，加一份套餐。上菜份量亦都係較輕盈。茶有香味。先上前菜拍青瓜，白肉，炒青菜，及口水雞（一人餐）等青瓜及青菜冇咩特別，口味清淡。而口水雞的確係嫰滑，辣度適中，就算唔食得辣嘅人都接受到。白肉亦唔錯反而期待嘅水煮魚上枱時有啲失望，盤大魚少酸菜更少，魚滑但唔似新鮮魚（可能唔同地區有唔同用料），辣度後勁較強。飯後甜品有熱：湯丸，凍：冰粉冰粉食嘅時候冇味，以為係特色，但問一問店員，先知原來杯底應該有糖漿，但我地嗰杯比較少，所以食唔出味。然後店員喺我地走之前，奉上另一杯滿滿糖漿嘅冰粉，俾我地食到原有味道，姐姐貼心加分！