川府宴 (已結業)

最近興起左一股食川菜既潮流，朋友特登搵左呢間幾好評既川菜，係放工後以麻辣放鬆一下😂呢間餐廳既環境格調都唔錯，值得一讚係佢既燈光，係側面打落去令食物好靚，唔會好黑咁👍🏻咁叫左幾味小菜分享，先黎個健康既涼拌秋葵麻辣手撕雞非常好食，入面有脆脆的炸芋頭絲，海蜇頭，手撕雞肉，蒿荀絲，蔥，芫茜，撈埋醬汁好惹味，麻麻辣辣，而且口感好豐富，夾埋組合得好好😋膝王魚用左大量既新鮮花椒，個湯已經好麻好香，入面仲係一片片好大舊既石斑😍咬落啖啖肉完全冇骨，魚肉鮮甜，食完滿口麻晒，但麻而不辣，非常有趣既菜色😋薑爆安格斯既牛肉炒得好香，比較濃味適合配碗飯🍚