同撈同煲

營業中

休息中

今日去咗九龍城嘅同撈同煲打邊爐，呢間火鍋店係做咗香港懷舊特色裝修，好有香港舊式情懷！先叫左個胡椒豬肚少爺雞煲，胡椒豬肚湯底少少辣，少爺雞雞味濃郁有口感，雞同豬肚份量都好充足！之後火鍋配料叫咗封門柳，響鈴，美人餃，鴛鴦蚌！另外仲叫左小食老友鬼鬼，黑松露墨魚滑釀油炸鬼，好好食！封門柳牛味重，部位稀少，唔係好多餐廳有得食！美人餃內藏桃膠，女仔愈食愈靚！即炸響鈴非常脆口！珊瑚蛑同桂花蛑新鮮爽口！最後仲叫左花生糖不甩同啫喱，啫喱有遮仔，好有舊式冰廳既感覺，花生糖不甩係即場整，真係第一次見，感覺好特別！另外一提就呢度既自家製飲品唔錯，菊花蜜清甜幾好飲！