麻辣派對 (瑞生酒店) (已結業)

餐廳裝修有特於一般中餐餐廳，比較似酒吧較有情調，同餐廳名中的派對都幾配切。山城回鍋肉 - 回鍋肉肥瘦比例適中，香濃惹味，口感軟糯。鼓椒炒蟶子皇 - 蟶子無沙，炒得好惹味唔會老，好鮮甜。涼拌花膠 -   口感爽脆且入味，好開胃。黃燜豬手鍋加肥腸- 黃燜豬手鍋下有個爐熱住個鍋，可以保持溫度。豬手處理得都好好，食落唔見有咩毛，唔會好似出面有d餐廳成隻豬手都係毛。豬手食落非常稔軟而且夠晒入味。鮮椒爽脆生腸 - 生腸麻香撲鼻，食落好有咬口，加上新鮮的川椒，忍唔住一啖接一啖。紅燒排骨小麵 - 份量十足，麵質有咬口夠彈性，加左大量花生、葱花配料。排骨唔會太乾身柴口。豆花小麵 - 豆腐細嫩，麵條綿韌，味道唔錯。飯後仲送左紅豆沙比我地飲，為呢餐劃上一個完美句號。