天空虎嘯

營業中

休息中

經朋友強烈推薦嚟呢間新餐廳試吓，頭盤包羅萬有唔同嘅刺身，擺盤好精緻，一上嚟侍應會幫你擺好同介紹每樣菜式。每一樣都好新鮮，特別鍾意生蠔，處理得好乾淨，味道都特別鮮甜。花龍蝦都好新鮮，唔食蝦嘅朋友都食晒。之後上咗我最愛嘅蒸蛋，去過每一間日料我都會叫蒸蛋試吓嚟決定我對餐廳嘅評分同埋第一印象。呢間嘅蒸蛋好嫩滑，每一啖都好似食緊豆腐咁，一啖吸晒入口，蛋味都好香再配埋蟹肉同龍蝦湯嘅鮮味，整體好好食。第三道上嘅菜就係今日主角-—阿拉斯加長腳蟹。即蒸嘅蟹肉就係唔同啲，好鮮甜，唔使另外加啲咩調味料都已經好好食。淨係呢樣已經食得出隻蟹有幾新鮮，再加埋見到水缸入面有好多好大隻嘅阿拉斯加長腳蟹。跟住嘅北寄貝同埋刺身帶子都一定要提一提，都好fresh。特別係帶子配埋海草配西京麵豉好特別嘅味道，好驚喜。最後以士多啤梨芝士蛋糕嚟作結，食咗咁多海鮮再食返件酸酸甜甜嘅士多啤梨芝士，好refreshing！