影片
更多
2010-08-01
31 瀏覽
我最喜愛既火煱店點解變成咁架 ？以前係我最最最鍾意既火煱店。依家轉左有任食或散叫，任食料比較差，唔新鮮、質量唔好，差天共地，真係好差 ~ 湯底選擇少左，唯一安慰既係湯底味道無變，但料少左啲囉 ~ 再黎食 order 都仲有機會，任食就免喇 ﹗豬骨湯底，味道依然香濃，好正既豬骨味，只係啲料比以前少左好多，只係放啲大大舊無肉豬骨頂檔，以前都有啲豬軟骨，啖啖肉食吓。活鮑魚 ( order )，勁新鮮，郁黎郁去，好生猛，啜實隻碟死唔肯就飯。唔好等，即刻一鑊熟。勁鮮甜彈牙，食完仲想再添，但實在太多野食，食唔晒，唯有擱置依個念頭。肥牛粒 ( 任食 )，肥到食緊肥豬肉咁，無咩牛肉味，覺得好似係牛扒邊既脂肪部份切出黎，費物利用。生蠔 ( 任食 )，就咁睇唔覺有問題，一食落去係死蠔味，一啲都唔新鮮，無鮮味，口感散筲筲。手切肥牛 ( 任食 )，普通貨色，口感較實淨，唔軟棉滑留，牛味都算夠，脂肪比例可接受。聖子皇 ( order )，真係勁大抽，有七八吋長，味鮮、爽口。海蝦 ( order )，係死海蝦，仲要死 Q 左好耐，郁都唔郁插住條竹籤，肉又霉、蝦頭又腥，頂﹗咩野料呀 ﹗魚脣 ( 任食 )，味道似群翅
豬骨湯底，味道依然香濃，好正既豬骨味，只係啲料比以前少左好多，只係放啲大大舊無肉豬骨頂檔，以前都有啲豬軟骨，啖啖肉食吓。
活鮑魚 ( order )，勁新鮮，郁黎郁去，好生猛，啜實隻碟死唔肯就飯。唔好等，即刻一鑊熟。勁鮮甜彈牙，食完仲想再添，但實在太多野食，食唔晒，唯有擱置依個念頭。
肥牛粒 ( 任食 )，肥到食緊肥豬肉咁，無咩牛肉味，覺得好似係牛扒邊既脂肪部份切出黎，費物利用。
生蠔 ( 任食 )，就咁睇唔覺有問題，一食落去係死蠔味，一啲都唔新鮮，無鮮味，口感散筲筲。
手切肥牛 ( 任食 )，普通貨色，口感較實淨，唔軟棉滑留，牛味都算夠，脂肪比例可接受。
聖子皇 ( order )，真係勁大抽，有七八吋長，味鮮、爽口。
海蝦 ( order )，係死海蝦，仲要死 Q 左好耐，郁都唔郁插住條竹籤，肉又霉、蝦頭又腥，頂﹗咩野料呀 ﹗
魚脣 ( 任食 )，味道似群翅，口感好有膠質，幾好味。
四寶丸 ( 任食 )，芝心丸無特別，好普通。蝦丸好鮮好彈牙，正。墨魚丸，又粉又散，唔掂，OUT。鯪魚球，可以啦，都好彈牙，幾好。
山根 ( 任食 )，山根咪係山根囉，都係咁啦。
金菇 ( 任食 )，無咩特別。
白菜仔 ( 任食 )，鮮嫰，可以啦。
雞子 ( 任食 )，算係鮮啦，無咩特別。
白蘿蔔 ( 任食 )，烚左好耐都係好硬，有少許渣。
無糖西瓜汁 ( order )，即搾，最滿意係依樣。
張貼
