閨•家 (美基樓) (已結業)

屯門開咗閏家唔係好耐，已經成日大排長龍，今日都唔例外，不過排咗20分鐘左右就入得。所有飯都配埋老火湯，而且每日唔同，今日係蘋果紅蘿蔔沙參排骨，非常足量無味精，啱晒繁忙嘅都市人。香煎蓮藕餅豬扒飯呢到豬扒係招牌，幾乎每一枱都會有，豬扒超大塊，而且好鬆軟，唔會有UN，醃到夠晒味，就咁食都好正，蓮藕餅都幾厚，好有媽媽嘅感覺，配埋少少雪茶同薑蓉，個飯好快就食哂。慢煮豬軟骨飯呢個不得了！豬軟骨竟然炆到啲軟骨軟綿綿，第一次食軟咗嘅軟骨，好重骨膠原，個嘴黏黏哋，真係一試難忘配埋個汁，簡直係白飯小偷！必須要Encore！