大漠 (已結業)

依到既裝修同平時D餐廳有好大分別,無咩香港既味道,食起上黎可能有D風味喇至於依到既食物選擇都比較多，頭盤就要左依到哈蜜瓜配老虎菜沙律，估佢唔到,非常咁新鮮，好甜既哈蜜瓜加埋依個爽口老虎菜，好夾又夠哂醒胃。食得新疆菜點可以唔叫羊呢，佢依到既燒羊鞍燒七成熟左右，肉質可以保持鮮嫩之外仲幾軟嫁,仲有保留D好多肉汁。至於羊肉串燒都好好食,表面燶燶地，內裏既肉汁好多,又無咩膻味以手抓酥餅配以羊肉，手抓餅既餡料真係爆哂, 有羊肉, 果仁, 花生, 提子乾, 香料, 外表已經夠哂吸引, 食起上黎好有難度, 因為皮身做得好薄同埋比較易變形, 餡料拎起上手個陣有機會出哂黎,但味道口感都唔錯, 有果仁花生的脆, 同時又有羊肉煙韌, 口感夠哂特別,好味道。