Felice Cafe & Pasta (已結業)

希雲街有好多細細間嘅食肆，今日嚟咗其中一間黃店Felice Cafe。門口有一幅的連儂牆，貼滿五顏六色嘅memo紙，從玻璃摺門就可以看到餐廳裏面精緻嘅裝修。餐廳裏面暗黃嘅燈光帶來浪漫嘅氣氛，周圍都貼着抗爭的海報，今日是「一個人的浪漫」，所以選擇坐喺吧枱位置。今晚嘅set dinner有六款選擇，由$86起，最後我揀咗「海膽黑松露忌廉汁扁意粉」（$145）。晚餐附送餐湯，今晚係忌廉粟米湯，質地唔係creamy嗰種，但都有粟米和忌廉味，不錯。海膽黑松露忌廉汁扁意粉估唔到海膽咁大件，好開心呀！非常新鮮，入口即溶，味道十分鮮甜，海膽味在口腔內迴旋，太正了！扁意粉嘅黑松露味都十分突出，加上極creamy嘅忌廉汁，配搭一流，非常好味！真心推介！而且份量都多，食完都已經好飽。餐飲本身配凍/熱檸茶/水，但可以用半價價錢轉特飲，我就選擇咗芝士奶蓋百香果茶（原價$32 ），芝士奶蓋唔會太鹹，果茶果香味濃郁，兩者配合恰當，令到成件事更加滿足。