The Town (已結業)

今日公司包場做party，揀左呢度相當有氣派的地方，據聞餐廳係某富豪之前的御用廚師出黎開的，又好似話有在君悅酒店做左好多年的廚來助陣。餐廳由去年四月中開始經營，雖然係用會所牌經營，但暫時仲可以walk in, 佢話客人黎到可以留下少許資料，到稍後有一定客量先真係行會員制。今地今次在6樓舉行，但場內有樓梯可上7樓，我知道9樓都係呢間餐應的，上面好似有3間房，每間不算大，好似坐到一圍左右。室內環境都不錯的，有好多SOFA位，我地今日係特別要求所以係中間放兩張長枱，平時應該唔係咁SET。一入門口就見到酒窖，不過我唔識欣賞，有個大水吧，另外有個小小的台，也有projector和screen，所以今晚玩遊戲都方便。這層還有一間吸煙房，對煙民來說相當方便，但我坐出面發現有煙味漏出，要叫人開大一點個冷氣先得。今晚的餐單是自訂的。頭盤江南小食拼有雞軟骨、薑絲海哲及牛展，特別鍾意個雞軟骨，有咬感又唔油。第二味燉湯，上枱時是超熱的！而且非常美味！第三道菜也有驚喜，想不到鵪鶉蛋都可以有流心的，第一次食，不錯！第四道鱈魚球以蒸爐出場，賣相特別，魚肉很滑，但唔係好食得出有松露味.焗蟹蓋又好正！一絲絲的蟹肉鮑魚同