影片
更多
2024-08-01
176 瀏覽
朋友帶路黎到觀塘食飯，餐廳位置離觀塘站有D距離，係觀塘帝盛酒店1樓。當時7點到達，都已經有約6檯客人食緊，侍應好親切，會主動介紹餐廳嘅特色菜。（唔想影到其他食客，呢個係離開時拍攝）選擇困難症嘅可以無腦地揀二人餐或者四人餐，今次揀咗二人餐試吓。冰鎮南非鮑魚及海蜇拼醉香鴨舌冰鎮鮑魚好好咁切開咗，方便食用，食得出有少少酒味，但唔會有苦，係剛剛好的酒精濃度，鮑魚可以一口咬開👍👍。醉香鴨舌好嫩，酒味略淡於鮑魚，但一樣好容易食用，咬下去，皮少少爽脆，之後可以好似鳳爪咁，好容易食曬D肉。杏汁燉豬肺湯用紫砂茶壺上檯，好得意，而且上檯時，茶壺都好熱下。由於紫砂壺保溫，即使等耐D再飲都keep到溫度。呢個湯平時係其他餐廳都好少有，就算有，味道都差少少。而呢間湯頭濃郁，杏味比較突出，我好喜歡入面有豬肺、豬肉、雞腳同螺片，真材實料。滷水鵝肉拼滋味雞以二人餐嚟講，拼盤份量都幾大，每一片鵝肉都大大塊，滷汁唔會過鹹淡淡的，有存在感，但唔會喧賓奪主，鵝肉偏瘦，只有皮果層脂肪比較肥，整體上，食多幾塊都唔會覺得滯。雞肉肉質嫩滑，煮到剛剛好，配上淡淡嘅滷汁幾好食，底下仲有滷水豆腐，不同於平日見到有炸過既豆腐，佢屬於嫩滑同豆
（唔想影到其他食客，呢個係離開時拍攝）
選擇困難症嘅可以無腦地揀二人餐或者四人餐，今次揀咗二人餐試吓。
冰鎮南非鮑魚及海蜇拼醉香鴨舌
冰鎮鮑魚好好咁切開咗，方便食用，食得出有少少酒味，但唔會有苦，係剛剛好的酒精濃度，鮑魚可以一口咬開👍👍。
醉香鴨舌好嫩，酒味略淡於鮑魚，但一樣好容易食用，咬下去，皮少少爽脆，之後可以好似鳳爪咁，好容易食曬D肉。
杏汁燉豬肺湯
用紫砂茶壺上檯，好得意，而且上檯時，茶壺都好熱下。由於紫砂壺保溫，即使等耐D再飲都keep到溫度。
呢個湯平時係其他餐廳都好少有，就算有，味道都差少少。而呢間湯頭濃郁，杏味比較突出，我好喜歡入面有豬肺、豬肉、雞腳同螺片，真材實料。
滷水鵝肉拼滋味雞
以二人餐嚟講，拼盤份量都幾大，每一片鵝肉都大大塊，滷汁唔會過鹹淡淡的，有存在感，但唔會喧賓奪主，鵝肉偏瘦，只有皮果層脂肪比較肥，整體上，食多幾塊都唔會覺得滯。雞肉肉質嫩滑，煮到剛剛好，配上淡淡嘅滷汁幾好食，底下仲有滷水豆腐，不同於平日見到有炸過既豆腐，佢屬於嫩滑同豆味濃既嫩豆腐，配上滷水都係清爽既，好食。
竹炭脆豆腐
一上枱個樣好似臭豆腐，但其實係溝咗竹炭粉漿炸嘅豆腐。我唔係一上檯即刻食，係等左一段時間食，但都仲係keep到好脆，裏面嘅豆腐都系好嫩滑同豆味濃，脆皮有別於平時酒樓食到嘅金磚豆腐，皮好鬆脆，類似食新鮮出爐鮮奶球包皮嘅感覺，好特別，推薦。
米湯杞子浸時蔬
首先，二人餐嚟講，呢個菜嘅份量好多，但作為一個每餐都要有菜嘅人，我覺得很滿足，菜都煮到啱啱好唔會太淋，米湯同菜嘅味道係好融合。
招牌撈麵
撈麵配料系簡單既蔥絲、蝦米、少少醬油、芝麻等等，調味適中，而且撈麵係好爽、彈、滑，即使已經食到有啲飽，都忍唔住食多兩啖，出色，一定要試。
總括而言，餐廳食物質素好有水準，推薦一定要食滷水、撈麵同功夫湯，而且二人餐份量真係好足料，女仔嚟食，都夠4個人食，好抵食。店員服務態度好好，會主動同客人推介菜式，亦有不時留意客人需要，想食有水準嘅潮州菜，推薦黎試試。
張貼
