金記冰室 (香港仔中心3期)

營業中

休息中

香港仔都開左金記冰室，之前已聽人講好食，所以約咗住香港仔嘅細妹一齊食晚餐，座位都好闊落，尤其卡位夠舒服，而且新開不久好乾淨，用 app落單，好方便。見到二人餐好抵食，但係又想食鐵板牛扒餐， 我哋都幾肚餓，所以就決定叫曬。鐵板西冷牛扒配薯菜(燒汁) 牛扒份量足，尚算有肉汁，配菜亦很多，一 壺滿滿嘅燒汁，可以自己選擇淋幾多汁。自選小菜套餐(2人份量) 新鮮菠蘿咕嚕肉用新鮮菠蘿好鮮甜，咕嚕肉外脆內軟，非常有咬口，味道好超水準，見到好多人叫。欖菜肉鬆四季豆四季豆炒得香脆， 肉碎算嫩滑，惹味夠濃味， 送白飯一流。二人餐配上白飯，軟硬適中，例湯是沒有味精的。餐飲叫咗凍檸檬茶及凍檸樂， 特別一提檸檬茶有茶味，檸檬比一般多。