Brass Spoon (已結業)

之前試過牛肉麵，係時候轉下口味食下牛肉河。今次食既係 Brass Spoon 既生牛河。攞米芝蓮既，當然係唔同 d。見到 menu，越南野，當然食正路野生牛河就算啦，其他野唔好諗。我食左好多次，都覺得佢 d 牛丸好好食，一定要揀！你見到我碗河粉，就知我重口味。佢地可以揀落幾多洋蔥、蔥、芫茜同牛湯油。聽講牛湯油係由湯底提煉出來既野，總之鍾意濃味野既朋友可以揀。我呢碗當然係攞曬，仲要係多既，個人口味而已。聽講老闆 d 湯熬足 12 個鐘，難怪 d 味道好鮮甜。都係個句，食牛河之前，最好飲啖湯先，食下有幾好味。佢地 d 牛肉係靚牛肉，不過只係得幾塊，九十蚊來講，就有 d 貴。不過，一日得一餐，人又得一個胃，唔食返 d 好野，點對得住自己？提提你：如果男仔食既話，不妨叫加底，如果唔係會唔夠飽。到喉唔到肺就唔好。飲品呢，我覺得麻麻地，同超級 overprice。