小天使餐廳 (已結業)

第一次食小天使，小店座位唔太多，大約可坐20位，所以最好預先Book位。小店的Waiter原來快將70歲，招呼周到，好快手，又要落單，傳菜和做埋水巴，真係老當益壯。食品方面：麵包好好食，好有咬口。Pizza好好食，好有以前食Pizza的口感，今次叫左兩個Pizza, 藍芝士Pizza最好食，菠蘿火腿芝士Pizza啱小朋友食。豬手的皮好脆肉質好Juicy。至於墨汁海鮮意粉咸左少少，但麵條好彈牙，好有咬口。Tiramisu 和雙重朱古力蛋糕好好食，必食推介。另外今日為女兒慶祝生日，老店員還替我安排了臘燭，服務一流。