影片
更多
2021-11-26
620 瀏覽
嚟《雪下覓炙》係應該要食韓燒嘅，不過今日光棍節，想偷吓懶 （其實懶就懶，是但搵個藉口～🤪），唔想自己落手燒，所以叫咗一上枱就即刻可以食嘅飯餐：”名品牛肋骨煲配飯”同埋”烤八爪魚飯”落單冇耐，職員就捧黎幾碟前菜。呢到嘅lunch配有5款傳統韓式前菜。其中，kimchi同大豆芽係可以無限添♾️，今日另外嘅三款係辣八爪魚🐙，薯仔🥔＆酸蘿蔔. 呢幾款前菜有啲辣，有啲酸，配搭得好開胃🙂名品牛肋骨煲配飯 🐮去過唔同嘅韓國餐廳，發覺牛肋骨鍋通常係佢哋嘅招牌菜，如果煮得好食嘅話，呢間韓式餐廳通常有返咁上下水準～ 牛肋骨鍋一般都會用鐵鍋上菜，好處當然係非常保溫，食到尾D食物同個汁仲係暖嘅 🧣，牛肋骨炆得好入味同好淋，輕輕力就可以將骨肉分離，好易入口，重點係連D筋位都好軟淋，個汁有香濃牛味又帶少少甜，撈飯好好味！飯面鋪滿一絲絲嘅紫菜，令到更加有韓式風味！煲內嘅其他配菜亦出色，栗子鬆化，南瓜同冬菇入味，蘿蔔清甜，作為餐廳推介菜式之一真係實至名歸👍🏻👍🏻烤八爪魚飯🐙八爪魚鬚原條放在飯上以靚靚碗盛載上枱，加一隻生蛋喺飯面，再配韓式紫菜，醃製蘿蔔和香蔥裝飾，賣相吸引。可惜，我牙力唔夠😬，咬唔開八爪魚，要用鉸剪剪開先
落單冇耐，職員就捧黎幾碟前菜。呢到嘅lunch配有5款傳統韓式前菜。其中，kimchi同大豆芽係可以無限添♾️，今日另外嘅三款係辣八爪魚🐙，薯仔🥔＆酸蘿蔔. 呢幾款前菜有啲辣，有啲酸，配搭得好開胃🙂
名品牛肋骨煲配飯 🐮
去過唔同嘅韓國餐廳，發覺牛肋骨鍋通常係佢哋嘅招牌菜，如果煮得好食嘅話，呢間韓式餐廳通常有返咁上下水準～
牛肋骨鍋一般都會用鐵鍋上菜，好處當然係非常保溫，食到尾D食物同個汁仲係暖嘅 🧣，牛肋骨炆得好入味同好淋，輕輕力就可以將骨肉分離，好易入口，重點係連D筋位都好軟淋，個汁有香濃牛味又帶少少甜，撈飯好好味！飯面鋪滿一絲絲嘅紫菜，令到更加有韓式風味！煲內嘅其他配菜亦出色，栗子鬆化，南瓜同冬菇入味，蘿蔔清甜，作為餐廳推介菜式之一真係實至名歸👍🏻👍🏻
烤八爪魚飯🐙
八爪魚鬚原條放在飯上以靚靚碗盛載上枱，加一隻生蛋喺飯面，再配韓式紫菜，醃製蘿蔔和香蔥裝飾，賣相吸引。可惜，我牙力唔夠😬，咬唔開八爪魚，要用鉸剪剪開先食到(仲要用相當嘅力度先剪得開)，剪開細細舊之後，容易入口好多！建議牙力夠嘅朋友去挑戰一下！
總括嚟講，滿意今次《雪下覓炙》嘅食物，尤其鍾意可以♾️泡菜同大豆芽，而且呢度嘅環境舒適，座位寬敞，抽風系統做得好，食完唔會一陣韓燒味，呢度係一個值得再黎嘅地方，席間見到隔離檯食一大件韓燒斧頭扒，相當吸引！下次一定要試佢嘅韓式燒肉🥩🐮
韓式前菜
51 瀏覽
0 讚好
0 留言
名品牛肋骨煲配飯
57 瀏覽
0 讚好
0 留言
烤八爪魚飯
47 瀏覽
0 讚好
0 留言
張貼
