德昌餐廳 (已結業)

嗰日星期日得閒d去咗寳琳行街，聽住附近朋友講話德昌開咗分店就順道去試下。呢度出名魚蛋粉，我當然要試下係咪咁正。一上枱蒜香撲鼻，第一時間食片魚片，本人食開淡味所以覺得咸咗少少，但清湯又中和到，而魚蛋就啱味又爽口，鍾意個河粉好滑。老公就叫咗個晚餐 乾炒牛河配薏米冬瓜豬𦟌湯。牛河熱辣辣上枱有鑊氣，我第一啖食落偏淡，但老公加咗辣醬就話啱啱好，食完碟底都冇多餘油，冇食到成口油笠笠個冬瓜湯落足料濃厚，唔似其他餐廳例湯水加鹽得個色，我搶咗老公碗湯飲咗9成叫多個腐乳通菜，個腐乳醬係我喜歡嘅嗰種咸酸辣，不是純咸味，聽講係自家調製係有分別。