Backyard (已結業)

葵興俾人嘅感覺好工廠區想搵好嘢食都好難。之但係有好多新型嘅商業大廈係地區落成所以都有好多比較好嘅選擇。就正如以下呢間西餐廳我覺得佢哋一向嘅出品都好用心材料都好好。我食嘅呢款就係香煎盲鰽魚柳及蟹肉配茄紅花忌廉汁，佢哋煎嘅魚唔會腥，魚保留左魚汁所以入口唔會好乾。而加係面嘅蟹肉比我想像中多好多所以其實都幾抵食，呢個午餐中加入左其他配菜好似番茄細薯仔蘿蔔等等所以其實都好健康。而我同事叫嘅就係莎樂美腸火雞火腿意大利包配炸雞翼番薯條及雜菜沙律。食物一上枱，我同同事即刻嘩一聲，因為佢呢個包嘅賣相非常之好，同事本身食量比較大，但係哩一份午餐都已經夠飽。餐廳喺用料方面一啲都唔吝嗇。用咗好多片火腿加入個包嗰度，而且佢哋唔係用薯仔來炸薯條，而係用比較健康嘅番薯來炸薯條。整個午餐份量雖然唔多但係食完一啲都唔肥膩。餐廳每星期都會轉一次Menu，令到食客保持新鮮感。真係一間好俾心機做嘅餐廳，如果去開嗰區不妨去試吓啦。