甘味讚岐手打烏冬 (已結業)

第一城入面有好幾間日本餐廳，今晚同朋友幫襯甘味。可能係平日夜晚嘅關係，比人數唔多，所以唔使等位就已經可以入座喇！😉落單嘅方法，係要係紙上寫低食物嘅編號或者號碼，再交俾餐廳嘅侍應就ok 喇！等大概10分鐘之後食乜就陸續送到嚟。首先嚟嘅係三文魚壽司同埋芝麻他他醬三文魚手卷三文魚壽司中規中矩，而手卷嘅味道同口感都豐富啲比較吸引。然後就係蕃茄湯雞扒烏冬。首先有蕃茄湯底酸酸甜甜，大大增加食慾；餐廳採用嘅讚岐烏冬爽口彈牙，雞扒大塊得來亦都煎得剛剛好！另外我哋點左三文魚海鮮炒飯，炒飯嘅醬汁豐富，一粒粒嘅三文魚增加炒飯嘅口感，所以好快就食晒成碟炒飯喇！兩人總共都係食咗＄260左右，價錢唔算太貴，個人最推介湯烏冬。