影片
更多
2013-08-09
2084 瀏覽
未來老爺奶奶同阿爸阿媽食"家長飯"，點知4老都話唔食中餐，最後選擇了呢間韓國餐廳，見評分都算高，應該都信得過。雖則我地weekday，為穩陣起見，早兩日打去訂定位。好彩有訂位，我地6:50pm去到竟然見到要等位 ,餐廳大部分嘅座位都係梳化卡位，我地兩家人一人坐一邊都幾搞笑。我地叫咗有醃同冇醃嘅牛肋骨、五花腩、蝦、帶子、仲有蚊牛肋骨、泡菜煎餅、雪濃湯。d主食未上之前，侍應送黎8款唔同嘅前菜，從來都未試過响香港食韓國嘢送咁多前菜，前菜有最基本嘅泡菜、蘿蔔、著仔、芽菜、蒟蒻、etc...最特別係有一款迷你牛肉餅就令我地好驚喜，肉味好重帶少少甜味，我地encore咗3次，難得個侍應見我地嗌完又嗌都滿面笑容，之前食其他韓菜叫侍應encore前菜一係黑面一係話要收錢，呢度真係要讚 食完前菜，D野食就黎喇，我個人覺得冇醃嘅牛肋骨好食d,燒到6成熟點少少海鹽真係好好食，食得出d牛係優質貨，肉味油份均勻剛剛好。有醃嘅牛肋骨帶些少甜味，未來奶奶好鍾意，仲一邊食一邊讚 。D蝦、帶子同五花腩，分量不算多，一人一件，不過都夠喇，D蝦都幾大隻。食完呢輪燒烤，其他食物都到，蚊牛肋骨D汁好香好濃，我地叫左2個
好彩有訂位，我地6:50pm去到竟然見到要等位 ,餐廳大部分嘅座位都係梳化卡位，我地兩家人一人坐一邊都幾搞笑。
我地叫咗有醃同冇醃嘅牛肋骨、五花腩、蝦、帶子、仲有蚊牛肋骨、泡菜煎餅、雪濃湯。d主食未上之前，侍應送黎8款唔同嘅前菜，從來都未試過响香港食韓國嘢送咁多前菜，前菜有最基本嘅泡菜、蘿蔔、著仔、芽菜、蒟蒻、etc...最特別係有一款迷你牛肉餅就令我地好驚喜，肉味好重帶少少甜味，我地encore咗3次，難得個侍應見我地嗌完又嗌都滿面笑容，之前食其他韓菜叫侍應encore前菜一係黑面一係話要收錢，呢度真係要讚
食完前菜，D野食就黎喇，我個人覺得冇醃嘅牛肋骨好食d,燒到6成熟點少少海鹽真係好好食，食得出d牛係優質貨，肉味油份均勻剛剛好。
有醃嘅牛肋骨帶些少甜味，未來奶奶好鍾意，仲一邊食一邊讚 。
D蝦、帶子同五花腩，分量不算多，一人一件，不過都夠喇，D蝦都幾大隻。
食完呢輪燒烤，其他食物都到，蚊牛肋骨D汁好香好濃，我地叫左2個白飯黎撈D汁 ，反而個泡菜煎餅冇咩特別，最後個雪濃湯，一人分到一細碗，個湯既色好似魚湯白白地，問一問個侍應，佢話係用骨熬出黎，連埋D麵一齊食，好正!
食完晒野，侍應送左每人一杯淡紅色的飲品黎，有D酸，應該係用黎消滯.....
總括成晚叫嘅野，水準都好好。除左野食，呢度既服務的確比我所食過既韓菜好好多，起碼我想要多一ROUND前菜唔會黑面，我地好奇D野食有咩煮佢地樂意解答，又會主動黎換下碟收下野同加茶。呢D野好似作為服務行業係好基本，不過又真係有幾多間可以做到....至少今次呢間韓菜俾左個好好印象我，特別係今次係食"家長飯"。
張貼