影片
更多
2011-10-01
37 瀏覽
一個人食點心，好似食唔到幾多款式，但係見呢間點心舖，裝修幾精緻，不妨一試。豪隍點心位於尖沙咀厚福街中段，招牌光猛，離遠都會被它吸引。門口則放了個易拉架，牆上亦貼有幾張海報，將d招牌點心或呢期推介貼出來，好大張相再加幾句精簡描述，頗有噱頭。一入去，感覺唔錯，全店以白色為主，再加上時下至興嘅灰鏡，感覺時尚，有別於一般點心舖；天花掛上簡單嘅水晶燈，枱用上白色帶紋雲石面配白色木枱腳，櫈則是紫灰色花絨布，很有時代感；牆上仲掛有不少老香港嘅黑白照，黑框裱白，與整間舖嘅色調匹配，雖然簡單，但亦見心思。舖面地下亦見乾淨企理，沿途行入洗手間，需途經廚房，但都非常乾淨，沒有絲毫水漬，確實值得讚賞。見到有客人飲冰鎮奶茶，我又要一杯；size唔算大，係一般酒家用開嘅水杯size，因為用來盛冰嘅碗唔大，亦唔深,，所以冰粒唔多，一啜入口，第一個感覺係唔夠凍，如果可以換嗰大d嘅碗來冰著杯奶茶，相信會凍d，這樣才算得上冰鎮；但呢杯奶茶嘅茶味香濃，入喉後亦有餘香，絕非”行貨”，難得，而且好似用煉奶，非淡奶，亦夠甜滑，係一杯唔錯嘅奶茶。先來脆皮墨西哥义燒飽，上枱時，覺得唔夠熱，只是暖暖的，有d失望；但咬咗一口，墨西哥皮鬆
豪隍點心位於尖沙咀厚福街中段，招牌光猛，離遠都會被它吸引。門口則放了個易拉架，牆上亦貼有幾張海報，將d招牌點心或呢期推介貼出來，好大張相再加幾句精簡描述，頗有噱頭。
一入去，感覺唔錯，全店以白色為主，再加上時下至興嘅灰鏡，感覺時尚，有別於一般點心舖；天花掛上簡單嘅水晶燈，枱用上白色帶紋雲石面配白色木枱腳，櫈則是紫灰色花絨布，很有時代感；牆上仲掛有不少老香港嘅黑白照，黑框裱白，與整間舖嘅色調匹配，雖然簡單，但亦見心思。舖面地下亦見乾淨企理，沿途行入洗手間，需途經廚房，但都非常乾淨，沒有絲毫水漬，確實值得讚賞。
見到有客人飲冰鎮奶茶，我又要一杯；size唔算大，係一般酒家用開嘅水杯size，因為用來盛冰嘅碗唔大，亦唔深,，所以冰粒唔多，一啜入口，第一個感覺係唔夠凍，如果可以換嗰大d嘅碗來冰著杯奶茶，相信會凍d，這樣才算得上冰鎮；但呢杯奶茶嘅茶味香濃，入喉後亦有餘香，絕非”行貨”，難得，而且好似用煉奶，非淡奶，亦夠甜滑，係一杯唔錯嘅奶茶。
先來脆皮墨西哥义燒飽，上枱時，覺得唔夠熱，只是暖暖的，有d失望；但咬咗一口，墨西哥皮鬆脆，唔太甜，飽身則軟棉棉，唔錯；至於义燒餡，頗豐富，饀料都切碎，大細適中，太大又難食，太細又冇咬感，ok，醬汁味濃但不膩，而且唔會太多，恰恰好。
跟著，就來了蝦餃皇，一籠兩隻，都幾大粒，但係並非大大隻嘅玻璃蝦球，係細蝦再加d豬肉，蝦身爽口，新鮮，豬肉份量偏少，但反而覺得唔錯，食落唔會太膩，亦可以食到蝦嘅味道，而且皮唔厚，的確係唔錯。
輪到馬拉糕出場啦，其實除咗嗰墨西哥义燒飽之外，其他點心都係熱騰騰的，馬拉糕亦唔例外，一上枱，已經聞到一陣香甜嘅味道，忍不住，大大啖咬落去，感覺算鬆軟，但與傳統大籠蒸嘅比較，鬆軟程度始終有所不及；時下嘅點心舖，大多都係用細籠，一籠一籠蒸，至今都未曾食到好好食嘅馬拉糕，如果有發現，希望大家指點一吓。
最後，係义燒腸，雖然同佐敦堂記比，仲有一段距離，但係呢碟腸粉，的確出色；首先皮簿，除咗堂記外，我印象中，都冇幾多間酒樓食肆，可以做到咁簿嘅皮；第二，义燒餡料唔錯，夠味，因為腸粉本身味淡，如果餡料味唔夠香、唔夠濃，成碟腸粉都會淡而冇味，非常失色；第三，師傅亦有將餡料切碎做餡，但我個人覺得，如將餡料再切碎一些，效果會更好；整體上，呢碟腸粉，係一碟有水準之作，但唯一美中不足，就係豉油嘅味道，偏鹹，唔夠甜味，若果可以係豉油方面，再鑽研一吓，相信豪隍嘅腸粉應該可以更好賣。
雖然只係短短嘅半個鐘，但係完全感覺到老闆嘅認真，裝修不錯，有別於一般點心舖；服務水平，亦不錯，幾個服務員，做事有禮，亦可算有效率；至於點心嘅質素都屬於水準之上，雖然還有些改進空間。埋單$79，以此水準來說，唔算貴。
張貼
