囍菜

營業中

休息中

唔知幾時開始,觀塘呢間工廈入面"囍菜"已經成為左我經常來既飯堂,自朋友帶我來食過一次之後,我就幾乎每個月都會介紹唔同朋友來食,每次見到d朋友有讚無彈,我都會滿心歡喜,證明無介紹錯!因為黎過好多次,大部分菜式我都試過晒,所以我重點推介幾款必食既俾朋友選擇!醉豬手-唔會太大件食既時候唔會太困難,酒味香又唔會蓋左豬手既味道涼拌雲耳-微酸加埋小小wasabi,本來無咩味道既雲耳,變得好有口感好開胃淮杞燉螺頭湯-呢個湯真係要極力推薦,湯料十足又夠味,店員分好湯俾每一位再將湯料放上枱,大大粒螺頭同雞腳瘦肉配湯一齊食,無得彈!金牌牛肋骨-牛魔王朋友可以自己食晒一份,超重牛肉味肉質又軟藥膳雞-重藥材味但超好食又補身,雞肉嫩滑薑汁炒芥蘭-聽個名好普通,但有講唔出既超好食,食過之後每次都要order蒜茸粉絲蒸聖子皇-不能相信有咁大隻而且勁新鮮,食落d鮮味出晒黎陳皮蒸鮮鮑魚-多汁彈牙,新鮮到不得了蛋散-最後唔小得甜品,蛋散熱辣辣,喜歡甜食一定愛上!由於餐廳响工廈入面,要記得提早訂位,用餐日期既前兩日,餐廳就會提醒預早落order,確保餐廳可以安排最新鮮食材,真係好用心!