茶煲

營業中

休息中

今日突特黎到係寶琳既茶煲打邊爐，地理位置方便，係寶琳地鐵站旁邊既屋村，行過去5分鐘都唔洗！我地大約7點半度去到，去到既時候餐廳冇咩人(8點後就開始多人)，可能因為係平日啦，再加上時間尚早。餐廳經理好有耐心咁解釋佢地有既特別湯底，印象最深刻既當然係麻辣烤魚煲同椰子雞煲。最後我地決定咗要椰子雞煲。 當椰子湯煲滾之後再將雞放入煲，然後等佢熟，再將雞放入佢哋獨有嘅沙薑醬上面，沙薑醬既味道唔錯、雞肉夠嫩。不過湯底略嫌淡左少少，唔夠椰子香！值得一讚既係佢哋嘅肥牛。通常係岀面食任食火鍋，肥牛既質素偏差，但呢度既肥牛係美國特選肥牛，牛既油脂分佈平均，口感偏軟，岩哂我既口味！除咗肥牛任食之外仲有豚肉同海鮮，包括有蝦、花膠同埋小帆立貝，幾多選擇！出面嘅小食亭仲有各款小食例如丸類，韓式公仔麵、烏冬，金菇同各式菜類，仲有飲品同雪糕！總括黎講，我地都覺得茶煲食物既質素唔錯，款式又多。加上環境亦都舒服，又有電視睇，仲會播中英流行曲，真係估佢唔到。有驚喜！