拉麵天王

營業中

休息中

Happy Friday既中午一大班同事出去食lunch，但由於我地8個太多人，所以要分開兩張枱坐。餐廳既裝修好有日式風格，木既設計，加上一入門口有張長嘅拉麵吧枱。我本身比較鐘意食辣，所以叫左個赤天王拉麵。一開始就食左粒蛋先，係真溏心蛋，唔係實心扮流心，正！有兩塊叉燒，唔會好油膩，但都比較薄。個湯底都好濃郁，辣度適中。成個麵既份量岩岩好，唔會太飽。建議大家可以食佢既免費side dish芽菜，醃得好入味，可以任添，我地添左2-3 round，因為真係好好食！宜間拉麵值得再試，不過美中不足係比較細間，太多人既話就唔可以一齊坐。