上海婆婆336 (已結業)

食上海菜，梗係要嗌津白啦，好甜呀，上海婆婆嘅津白大大碟，平時喺第二度食嘅上海菜都未見過咁大碟，真係好抵食。小籠包就皮薄涵靚，而且好多湯，肉質啱啱好，夠曬嫩滑，夾起又唔容易爛。上海年糕唔難咬，好易斷，其實平時都唔會嗌年糕，因為會咬得好辛苦，而且食到好攰，但朋友極力推介呢度嘅年糕好易咬，唔同平時食開嗰啲要咬好耐，點知一試就停唔到口。小黃魚好香，一條係煙燻小黃魚而另一條就係椒鹽小黃魚，椒鹽小黃魚好香脆，同蒜蓉好配搭，而煙燻小黃魚就非常之嫩滑，各有特色。豆沙鍋餅好香濃豆沙味，椰香糖湯圓一定要食，好柔軟，撈埋啲椰絲食一流，十級推介，超好味道，食完一份大家都覺得唔夠要再叫多份👍🏼食到大家咀䑛䑛。