大瀛喜日本料理 (已結業)

大瀛喜日本料理 - 有水準放題今日嚟到旺角區一間日本餐廳，主打任食放題，提供多款日式料理，啱晒有選擇困難症㗎朋友。刺身一定要食三文魚，產地挪威，厚切、油脂豐富、魚味濃郁啖啖肉；另外大赤蝦都必食，厚肉彈牙爽口。壽司手卷就推薦海膽，另外火炙壽司亦都好吸引，有巨型嘅蟹棒壽司。燒物炸物就有孜然蒜茸廣島蠔同孜然燒羊鞍，鮮味又惹味。特色野就有乳鴿同磯煮凍鮑魚，乳鴿皮脆肉滑，鮑魚爽口彈牙。最後亦都有多款雪糕甜品選擇。