Tapa Room (已搬遷) 新店位置

呢排放工成日飽飽濟濟咁，女朋友提議食一間小食為主嘅餐廳，應該會幾開胃，所以呢日就嚟咗依間西班牙餐廳，餐廳其實本身唔似餐廳其實似一間酒吧，但係唔好以為咁就俾佢嘅外表呃左，其實佢裏面嘅食物先係重點！同埋係我近年來見過比較用心嘅一間餐廳，服務同埋食物質素都係一等一！入到去，因為冇乜心水話想食咩，所以好多都由店員去介紹安排，結果出乎意料地好！蕃茄脆飽. 配白銀魚. 蒜茸蛋黃醬先來咗個包，店員話個包係由西班牙空運過嚟，好矜貴咁，食落又出奇地脆同埋配埋其他配料一齊食感覺好夾，好開胃，價錢而且好實惠！棒棒鵝肝呢個賣相都幾特別鵝肝佢用一支竹籤插住之後就鋪滿開心果碎同埋鹽同黑椒嘅調味，感覺好特別但你又唔會覺得奇怪，好好食！薄切慢煮八爪魚好多時最驚就係八爪魚好鬼銀，但呢個一啲都唔會，配埋佢個番茄醬一齊食，一流！而且都係一道好開胃嘅菜！西班牙薯仔蛋餅呢個應該係西班牙嘅傳統蛋餅，適合三四個人一齊share食，裏面一切開係流心既，勁吸睛！巴塞隆拿式烤紅蝦依個性價比超好，有成五大隻，最重要佢嘅蝦膏好好食，蝦肉亦都彈牙，蝦味勁濃郁！鴨胸配薯仔鴨胸來講我都未食過咁嫩滑嘅，食得出個選料，同煮法都好出色！甜品西班牙水果茶