樓下冰室 (已結業)

路德圍一直都是荃灣美食天堂，今日就約左朋友來呢度的樓下冰室食個下午茶，話明係冰室，呢度的裝潢真係有香港傳統冰室的感覺，好適合情侶來約會，懷舊一下。除左裝潢，餐牌的食物都係茶餐廳必有的經典嘢食，有菠蘿油，招牌瑞士雞髀， 蕃茄濃湯通粉等…由於係下牛茶，我就叫左好多小食。首先嘅係招牌瑞士雞髀，雞髀嘅味道好出，肉汁鮮味，唔會太過甜又唔會太過咸，除此之外我們還叫了麻辣脆雞粒，呢一個價錢嘅脆雞粒做到像西餐廳一樣出色，雞粒煎炸得很脆，入口帶有麻辣味刺激味蕾，我哋仲叫咗其他熱氣嘅嘢例如，焗芝士肉醬薯角，同雞粒一樣做得很脆而且味道很出色，食咗咁多熱氣嘢，當然要叫返杯凍飲清清，我就叫咗一杯凍檸樂，配合埋麻辣嘅脆薯角，簡直豪爽。