Bake N Grill (已結業)

有位在附近工作的朋友，介紹一間鍘魚涌新開的餐廳，說這裡的扒勁正，於是早幾晚跟呢位友人gathering下兼食好西！餐廳裝修簡約， 牆身掛住立體畫， 皮座位舒適 ，感覺非常舒服！看了餐牌就點了個套餐，店員很快就送上麵包，內軟外脆，點上自家製的香草醬及蒜香牛油，開胃又滋味！前菜係嫩煎吞拿魚沙律， 已切成一塊塊四邊都沾滿黑白芝麻的 吞拿魚 肉質非常嫩，賣相吸引，配埋沙律菜食非常夾！很清新開胃呢！餐湯係黑松露野菌忌廉湯，野菌味非常香濃，忌廉湯打至起泡，口感一流更香滑，口內充滿 野菌同忌廉味，做法帶出層次，after taste 係舌頭徘徊，很回味！到主菜，我點了美國紐約客牛扒，聽店員介紹此肉扒medium 口感肉質最好，於是我叫左五成熟，牛扒放在木砧板上，份量夠大厚身，表層燒成網紋，肉香撲鼻，切開肉汁滿滿，肉質嫩滑，不禁一口接一口咁品嚐，配菜薯角都外脆內軟。 最後一定要提個醬汁，第一次試，一問之下，是自家製的三椒汁，用上黑椒，紅椒，黃椒，味道帶少少辛辣，用黎配牛扒說是perfect match啦！最後點左個甜品菠蘿雪芭，用原隻菠蘿做，連 菠蘿殻上 ，賣相吸晴，雪芭夠涷，味道唔會太甜好清新菠蘿香