影片
更多
2013-03-20
15 瀏覽
在銅鑼灣行街兼晚飯，路經銅鑼灣廣場附近有個妹妹仔派咗張傳單比我地，原來一壽司新開咗日式放題，$198一位又唔係貴，咁都有食開一壽司，心諗食物水準應該唔差，咁就攞住張傳單去試一試。每次食日式放題，一定會先order刺身，感覺會抵d，基本上我地咩刺身都嗌，一口氣叫咗三文魚、八爪魚、希靈魚、魷魚、海螺、甜蝦及松葉蟹棒刺身，呢盤刺身賣相非常好，一放落嚟大家都嘩咗一聲，每片刺身都係厚切，好怕去食日式放題d刺身碎濕濕，呢度每塊刺身都唔偷工減料，夠新鮮，厚切更食到肉質鮮味，三文魚係夠肥美，入口好滑，希靈魚爽口唔腥，甜蝦估唔到咁大隻，肉質夠結實，非常新鮮，松葉蟹棒刺身都唔錯，好juicy，海螺好爽口，食落又幾鍾意食。呢盤刺身以日式放題嚟講係有水準之作，中環區嘅放題先食到，咁始終係一壽司，食物水準應該維持到，見咁新鮮又好食，立即再加單刺身啦！跟住我地就主攻串燒及爐端燒食物，叫咗蜜汁羊架、鹽燒雞翼、雞軟骨、牛舌、雞腎、芝士翠肉瓜及日本迷你甜蕃薯，一大碟串燒嚟度，睇見都想食，特別係羊架，大大塊，幾塊放埋一齊好似西餐廳嘅main course咁大份，燒得好香，外層燒得靚啱啱銷住d肉汁，肉質唔韌夠軟淋，好出色嘅
每次食日式放題，一定會先order刺身，感覺會抵d，基本上我地咩刺身都嗌，一口氣叫咗三文魚、八爪魚、希靈魚、魷魚、海螺、甜蝦及松葉蟹棒刺身，呢盤刺身賣相非常好，一放落嚟大家都嘩咗一聲，每片刺身都係厚切，好怕去食日式放題d刺身碎濕濕，呢度每塊刺身都唔偷工減料，夠新鮮，厚切更食到肉質鮮味，三文魚係夠肥美，入口好滑，希靈魚爽口唔腥，甜蝦估唔到咁大隻，肉質夠結實，非常新鮮，松葉蟹棒刺身都唔錯，好juicy，海螺好爽口，食落又幾鍾意食。呢盤刺身以日式放題嚟講係有水準之作，中環區嘅放題先食到，咁始終係一壽司，食物水準應該維持到，見咁新鮮又好食，立即再加單刺身啦！
跟住我地就主攻串燒及爐端燒食物，叫咗蜜汁羊架、鹽燒雞翼、雞軟骨、牛舌、雞腎、芝士翠肉瓜及日本迷你甜蕃薯，一大碟串燒嚟度，睇見都想食，特別係羊架，大大塊，幾塊放埋一齊好似西餐廳嘅main course咁大份，燒得好香，外層燒得靚啱啱銷住d肉汁，肉質唔韌夠軟淋，好出色嘅羊架，我朋友不停話放題有呢個羊架食好抵。而我就鍾意食芝士翠肉瓜及日本迷你甜蕃薯，芝士翠肉瓜燒得芝士味好香，有少少燶嘅芝士面但芝士就燒到溶溶地，配上無咩味嘅翠肉瓜，一濃一淡係最佳配搭。而日本迷你甜蕃薯細細粒，一啖一口連皮食，真係好甜好好食，但一口咁食會好容易唔知飽，要提自己唔好食咁多，唔係好易飽。鹽燒雞翼就淡咗d，唔係好夠味，亦唔夠入味，失色咗d，其他雞軟骨、牛舌及雞腎就一般啦！
另外再食咗蝦天婦羅同多春魚天婦羅，好香脆，而章魚小丸子又整得幾好味，個汁唔錯，要一讚個蘆薈蟹籽沙律及豆腐沙律，好清新，食到飽飽地再食沙律，無咁滯。呢度個乳酪及軟雪糕bar任食，有4種味道，仲要任加配料，好吸引，今次只能食一杯乳酪，實在太飽，但個乳酪夠酸，開胃d先食到。今餐食得好滿意，可以再嚟。
張貼
