味一番

營業中

休息中

山林道有好多野食，好多間都好似已經好多年，我們就入左去味一番，因為突然之間好想食壽司！！當然就一定會叫廚師拍板啦，我們就叫左大，有十件。男朋友問左每一件魚係咩魚，但我真係無記下來，但每一件都十分新鮮呀！仲有件係象拔蚌，超級爽甜，好鐘意食呀！之後仲有叫左辣酒煮螺，個汁好好味，而且好香，仲有蘿蔔伴隨，好入味，我飲哂個汁，我當湯飲。仲有叫左稻庭冷烏冬，煮得剛剛好呀，唔會太淋唔會太硬，有太量蔥花和薑絲。最後就係另一極力推介燒牛肋骨，對我來說是很好，因為我唔喜歡太熟，d 個熟度對我合適。而且因爲我喜歡有小小筯位，咬落去有小小口感。而且當然個汁好重要，唔似出面食開既燒牛肉汁，小小甜咁，但個汁都好有牛肉味，所以我覺得這個值得推介，而且價錢唔太貴，可以食到有質素牛肉。到最後仲有雪糕送呀，有好多味比你擇呀，我要左菠蘿同椰子味。