鰹烏冬 (駱駝漆大廈第三座)

營業中

休息中

都有幾個月冇係街食個烏冬，諗都唔使諗就諗起呢間烏冬店，因為不嬲呢間都好出名，而且水準一向保持得好，順其自然咁就嚟咗呢度食。我都係叫返平時最愛嘅凍烏冬，配雞髀。依家舖頭坐位係麻麻哋，不過佢啲嘢好食就算啦。嘢食上得都唔算快，不過見佢有咁多客人，等吓都正常嘅。佢嘅烏冬非常彈牙，不過我嫌佢份量少咗啲，如果佢份量多番啲就更好啦，個雞髀雞皮有子香度，香香脆脆，非常好食。隻雞髀都好夠大，啖啖肉，食完非常滿足。呢間舖頭長期都坐滿客，因為啲嘢好食，價錢雪櫃，多人幫襯係有原因嘅。下次我都要試吓佢嘅湯烏冬先得，同埋要試吓佢其他小食。