西貢松記車仔麵

營業中

休息中

昨天原本入去西貢行山， 但天氣不似預期， 雨越落越大， 逼住留喺西貢食完午餐就走人， 因為要快食，所以簡簡單單食車仔麵。 我哋 第一次麗松記食車仔麵， 要先自己排隊點嘢食， 跟住有侍應送去你的座位， 我仔點咗個 雞翼、魷魚、魚蛋烏冬， 佢話烏冬略嫌有點硬， 但雞翼就大大隻好好食。 老公就點咗豬手麵， 他說豬手炆得好入味，好好食， 但略嫌每碗得兩嚿，份量太少。 我就點咗餐牌上 4號餐年年好運米粉， 包括牛肚、牛腩、牛筋、牛丸、牛柏葉， 餸的份量好滿足！另外我哋 點咗 韭菜豬紅作為小食及 熱豆漿， 豬紅有小小嚡， 但整體都好食。下次入嚟行山，會再試食其他車仔餸。