魚泉日本料理鐵板燒 (已結業)

今日放假,一行兩人去左銅鑼灣行街,當我哋諗緊食咩嘅時候,突然諗起朋友介紹魚泉嘅鐵板唔錯,又喺餐廳附近,所以決定去試吓!一去到見到個魚缸都幾吸引,入到店有職員打鼓同講歡迎光臨(日文),環境都好舒服,我哋選擇可以睇住師傅整鐵板燒嘅位置坐,職員有禮貌,仲介紹我哋食咩添!首先我哋叫左個鐵板燒一人套餐,有個野菜沙律,鵝肝,大蝦,牛肉炒飯,麵豉湯,鐵板炒野菜各1,而安格斯肉眼薄燒就有三塊,其實除左野菜沙律,麵豉湯,同飲品之外,其他食物師傅都會好細心幫我哋分做兩份,食物好新鮮,味道一流,最回味係鵝肝同安格斯肉眼,鵝肝夠大件,安格斯煮嘅時候裡面加左蔥花同炸蒜卷埋,師傅真係好專業!一個鐵板餐當然對我哋呢D為食之人係未夠嘅,所以再叫左啲壽司同天婦羅.叫左個上壽司拼盤,壽司有:三文魚,吞拿魚,章紅魚,甜蝦,赤貝,海膽,三文魚子,各1件,仲有青瓜卷6小粒!食材好新鮮,三款魚甜蝦同海膽都好鮮甜,赤貝好爽口,而三文魚子唔會太咸,亦唔腥,真係好得最後到天婦羅,呢一個真係差左少少,我叫左個雜錦天婦羅拼盤,有3隻蝦同5舊菜,個天婦羅出到黎,D蝦係好似就咁用粉炸,隻隻都好似營養不良咁,又唔脆,真係差左少少!呢餐雖然貴左D