影片
更多
2020-04-25
46 瀏覽
依家出街食嘢都唔平，有時就算價錢唔平，食物質素都係一般。今日喺大角咀試到呢間小店，價錢唔貴，但係睇得出餐廳用心製作，食物有水準，推介。主菜加$15有沙律/湯、飲品及甜品🍮加$20就有齊湯、沙律🥗 飲品及甜品沙律好足料，有煙三文魚、沙律菜、蕃茄、蘋果等等。是日湯係紫椰菜湯，湯睇得出係餐廳自己整，唔會太稀亦唔會太「杰」，味道唔錯，賣相都幾靚。而且仲附上芝士煙肉麵包條，餐廳仲整熱咗，非常用心。小食叫咗蜜糖芥末炸雞翼，炸雞翼皮有啲似炸魚薯條嘅炸魚皮，但係又出奇地炸得好香好食！點埋個蜜糖芥末醬，真係好夾。主菜：虎蝦日本櫻花蝦意粉虎蝦好大隻，而且好爽口，烤得幾香。意粉有好多日本櫻花蝦，令到意粉夠鮮味。意粉係幼身，食落口感唔錯。比目魚擺盤幾靚，魚外皮煎得好脆，魚肉夠林，食落幾香口。配菜仲有BB蘆筍、翠玉瓜等等。套餐包飲品叫咗個薑味汽水。另外見到套餐升級特飲有優惠，加$8就可轉朱古力latte。甜品可揀雪糕或布甸。揀咗朱古力雪糕及伯爵茶布甸。朱古力味雪糕夠香濃，而布甸嘅伯爵茶味亦都有茶香加奶味。呢個價錢有咁嘅食物質素，而且仲整得咁靚，睇得出小店非常之用心，值得去食！
今日喺大角咀試到呢間小店，價錢唔貴，但係睇得出餐廳用心製作，食物有水準，推介。
主菜加$15有沙律/湯、飲品及甜品🍮
加$20就有齊湯、沙律🥗 飲品及甜品
沙律好足料，有煙三文魚、沙律菜、蕃茄、蘋果等等。
是日湯係紫椰菜湯，湯睇得出係餐廳自己整，唔會太稀亦唔會太「杰」，味道唔錯，賣相都幾靚。而且仲附上芝士煙肉麵包條，餐廳仲整熱咗，非常用心。
小食叫咗蜜糖芥末炸雞翼，炸雞翼皮有啲似炸魚薯條嘅炸魚皮，但係又出奇地炸得好香好食！點埋個蜜糖芥末醬，真係好夾。
主菜：虎蝦日本櫻花蝦意粉
虎蝦好大隻，而且好爽口，烤得幾香。意粉有好多日本櫻花蝦，令到意粉夠鮮味。意粉係幼身，食落口感唔錯。
比目魚擺盤幾靚，魚外皮煎得好脆，魚肉夠林，食落幾香口。配菜仲有BB蘆筍、翠玉瓜等等。
套餐包飲品叫咗個薑味汽水。
另外見到套餐升級特飲有優惠，加$8就可轉朱古力latte。
甜品可揀雪糕或布甸。揀咗朱古力雪糕及伯爵茶布甸。朱古力味雪糕夠香濃，而布甸嘅伯爵茶味亦都有茶香加奶味。
呢個價錢有咁嘅食物質素，而且仲整得咁靚，睇得出小店非常之用心，值得去食！
張貼
