芝加哥串燒酒場 (明雲閣)

又去到元朗串燒場！經過門口都好吸引，所以一月去食！入邊佈置都酒吧，咁好吸引。除咗串燒仲有其他煮食。招牌鹿兒島A5肉眼珍珠飯珍珠飯配搭A5和牛好夾 ！ 主導五成熟左右非常嫩口，加埋照燒汁食到好開胃。串燒方面叫咗幾串，燒菠蘿勁多汁，熱辣辣外脆內軟。燒韭菜必食！ 條條都好入味仲有少少辣，唔會好乾身。鹽燒雞翼，亦都係必食，燒到恰到好處唔會太硬，但係個雞皮好脆。燒帶子，勁鍾意食海鮮，加埋啲蔥花蒜頭好入味。叫咗杯Salty caramel，入邊成份有Bailey Carmel ，好易入口，仲有cream喺面頭女仔實鍾意。另一杯係Tequila pop，加7喜，成杯野好Fresh。