影片
更多
2018-09-13
1012 瀏覽
久久未有踏足美孚，今晚喺附近買完曲奇餅，就食完晚飯先回家。呢間日日涮位於美孚廣場3樓，住附近嘅朋友經常光顧，皆因美孚嘅餐廳選擇不多，又唔想下下行到蘭秀道。商場嘅鋪位九成冇出租，火鍋店已經係最旺場。平日晚上都超過一半滿座，想來都算生意唔錯，畢竟新開不久，以區內人幫襯為主。唔想下下喺旺角同人逼，呢度或許係個選擇，對我地黎講仲方便啲。火鍋店位置不少，枱面闊落，始終新開，好多野都乾淨又夠光猛。同大部份同類型火鍋店一樣，中間設有自取區，客人自取丸類、蔬菜、麵食等配料，仲有飲品，擺放整齊，亦不時補充。店員唔算多，服務不俗，加湯收拾都做足。特別有位年輕嘅男店員，好有禮貌。餐牌供應火鍋套餐，日式火鍋放題形式，分四款牛肉選擇，包括：美國肥牛、美國牛小排、澳洲和牛、日本霜降和牛，定價每位$298-498。驟眼睇價錢比其他火鍋放題貴？不，因為套餐仲包括海鮮拼盤、刺身拼盤，雖然係按人數計算，但以質素黎計，都係值回票價。呢幾款套餐放題120分鐘，仲每位包一杯haagendaz或movenpick雪糕。早鳥時段7:15pm前離座每位減30蚊；晚上9:00後入座仲有85折。(唔知做到幾時)點選美國頂級牛小排放題，每
同大部份同類型火鍋店一樣，中間設有自取區，客人自取丸類、蔬菜、麵食等配料，仲有飲品，擺放整齊，亦不時補充。店員唔算多，服務不俗，加湯收拾都做足。特別有位年輕嘅男店員，好有禮貌。
餐牌供應火鍋套餐，日式火鍋放題形式，分四款牛肉選擇，包括：美國肥牛、美國牛小排、澳洲和牛、日本霜降和牛，定價每位$298-498。驟眼睇價錢比其他火鍋放題貴？不，因為套餐仲包括海鮮拼盤、刺身拼盤，雖然係按人數計算，但以質素黎計，都係值回票價。呢幾款套餐放題120分鐘，仲每位包一杯haagendaz或movenpick雪糕。早鳥時段7:15pm前離座每位減30蚊；晚上9:00後入座仲有85折。(唔知做到幾時)
點選美國頂級牛小排放題，每位$368，首先上枱係特選刺身拼盤，由廚師安排4-5款、按人頭份量：三文魚、甜蝦、劍魚腩、北寄貝、黃金魷魚、吞拿魚、帶子、赤貝、油甘魚、立魚。當晚有劍魚腩、立魚、三文魚、甜蝦、赤貝，冰底上，都幾新鮮
特選刺身拼盤
18 瀏覽
0 讚好
0 留言
爐邊有個小木箱相隔，如果同行有小朋友都唔怕淥到，比較安全。湯底方面可選鰹魚昆布、骨膠原雞湯、泡菜豬骨湯、日式壽喜燒、小魚蕃茄湯、日式和牛清湯，點選了泡菜豬骨湯同雞湯。兩款都冇乜特別，味道唔濃，都好嘅，起碼我淥海鮮都唔會蓋過哂鮮味。
海鮮盛合A：波士頓龍蝦、海蝦、花甲、扇貝、鮑魚、桶蠔，賣相相當唔錯，全部人頭份量，變相有原隻波士頓龍蝦，仲要好大隻，真幸運
龍蝦大隻好肉地，而且肉質爽彈。
至於其他都係正常質素，扇貝幾爽唔會霉、花甲亦都冇沙、海蝦就細隻左少少，但都新鮮。桶蠔本身幾大隻，唔會淥完變蠔豉。作為海鮮控，都滿足了，起碼俾咁嘅錢，都有咁上下質素
除左美國頂級牛小排，套餐仲包括黑毛豬豚肉、特選雞腿肉，不過由於我地主力食牛，就唔點喇，以免食唔哂。牛肉即叫即刨，追加後都算上得快，未有遇到某啲食評所言嘅情況，全晚食左三碟，質素平均。牛小排脂肪唔算多，肉質滑嫩，冇雪味可以留啲quota多食幾碟
自取區以丸類、蔬菜、菇菌、麵食為主，不時補充，唔會空空如也。貢丸、牛丸、麻糬丸、蟹粉包、芝士獅子狗等冇冰感。蔬菜區仲見秋葵，秋葵打邊爐唔錯。
呢度嘅韓國麵、出前一丁係原包上，無剪開無分裝。
飲品都係一般放題可見嘅選擇，汽水、道地罐裝飲品、啤酒等，一律自取。
點呢款跟海鮮嘅放題會包一杯haagendaz或movenpick雪糕，不過夜左有啲口味會冇哂啊。我地揀左H牌香蕉味雪糕同M牌嘅楓糖合桃雪糕，講真幾滿足。
連埋加一每人消費3百零蚊，抵唔抵見仁見智，對我黎講非常可以啦，海鮮唔係流野，真係夠新鮮。如果唔食海鮮，都有平啲嘅餐
張貼
