黯然燒魂

營業中

休息中

大坑雖然交通未算方便，但其實喺銅鑼灣或者天后步行入嚟都唔算太耐，地方冇咁逼咁多人之餘又有更多特色小店。今晚嚟到呢間串燒鋪探一探店先～𓃗❝芝士大啡茹❞ ($68/2隻)係小店嘅招牌名菜，本身以為只係芝士加大啡菇，原來裏面仲有濃稠蘑菇醬料，一上枱已經香氣撲鼻，食嘅時候要小心睇熱因為咬落去真係會爆汁架ᕦ⊙෴⊙ᕤ❝明太子雞翼❞ ($38/2隻)將明太子釀入去雞翼入邊，明太子嘅鮮味配合雞肉本身嘅juicy口感相當相襯，而外皮又炸到香口薄脆，好食！❝汁燒牛舌❞ ($38)牛舌fans食串燒冇可能唔嗌！超～厚切而黑椒味都相對濃郁，食落口感有嚼勁，一串三件份量大方令人食得滿足。❝安格斯蘆荀卷❞ ($38)牛肉同蘆筍呢個搭配一向都深得人心，牛肉嘅油脂感加上蘆筍嘅清爽鮮甜相輔相成，唔想齋食肉嘅話可以試試佢～𓃗❝蒲燒鰻魚❞ ($68)鰻魚唔算好用但係非常之大條，相當抵食呢。鰻魚口感柔軟爽滑，醬汁調配比例得宜，幸福感滿滿嘅料理٩꒰ ˘ ³˘꒱۶~♡❝雙檸梳打❞ ($48)不得不提佢真係超～級大杯！非常適合食串燒依啲會食好耐、成日都想飲一啖清爽飲品嘅場合。甜度酸度都適中。𓂃𓈒 𓂂𓏸 黯然燒魂 𓏸𓂂 𓈒𓂃 @au