影片
更多
2022-04-14
48 瀏覽
因為交通方便，成日都約朋友去銅鑼灣見面，通常都會搵間咖啡店食吓嘢、打吓卡、傾吓計。去過唔少餐廳，呢間係我覺得最有feel嘅，除左食野、不設時限任坐，仲可以支持埋本地藝術發展！記得第一次嚟係因為比入面既畫作吸引，好少見餐廳會咁花心機佈置，而且啲畫真係幾靚，有少少似去咗藝術館。睇真啲，原來唔係裝飾咁簡單，真係藝術品嚟㗎！而且佢哋仲會隔一排換一系列嘅展品，每次嚟都會有驚喜！後來有次老闆娘介紹，先知原來舖頭會同本地藝術家合作，借用舖頭為佢哋宣傳作品，從而支持本地藝術家發展。老闆娘仲話呢間舖頭嘅名「度」除咗想顧客能夠飲到咖啡嘅溫度，仲可以提升自己深度，可以Beyond more than just a meal. 香港真係好少餐廳咁有心機，唔淨係為咗賺錢，而係想做到更多，推動本地藝術創作。所以每次嚟銅鑼灣都會支持佢地～ 除咗畫展，餐廳入面個Projector仲播放緊本地非主流音樂人嘅作品，可以見到呢間餐廳真係好用心做緊藝術推廣。講返啲嘢食，最欣賞佢哋嘅咖啡，款式特別，好多都係出面飲唔到嘅！今次，我地叫咗橙啡同埋鬼佬鴛鴦，兩款都係$58。橙啡非常特別，用新鮮橙汁沖調，加落咖啡度非常有驚喜！清新得
記得第一次嚟係因為比入面既畫作吸引，好少見餐廳會咁花心機佈置，而且啲畫真係幾靚，有少少似去咗藝術館。睇真啲，原來唔係裝飾咁簡單，真係藝術品嚟㗎！而且佢哋仲會隔一排換一系列嘅展品，每次嚟都會有驚喜！後來有次老闆娘介紹，先知原來舖頭會同本地藝術家合作，借用舖頭為佢哋宣傳作品，從而支持本地藝術家發展。老闆娘仲話呢間舖頭嘅名「度」除咗想顧客能夠飲到咖啡嘅溫度，仲可以提升自己深度，可以Beyond more than just a meal. 香港真係好少餐廳咁有心機，唔淨係為咗賺錢，而係想做到更多，推動本地藝術創作。所以每次嚟銅鑼灣都會支持佢地～ 除咗畫展，餐廳入面個Projector仲播放緊本地非主流音樂人嘅作品，可以見到呢間餐廳真係好用心做緊藝術推廣。
講返啲嘢食，最欣賞佢哋嘅咖啡，款式特別，好多都係出面飲唔到嘅！今次，我地叫咗橙啡同埋鬼佬鴛鴦，兩款都係$58。橙啡非常特別，用新鮮橙汁沖調，加落咖啡度非常有驚喜！清新得來又有咖啡嘅香味，飲落似係果香濃郁嘅咖啡。至於鬼佬鴛鴦，即係用伯爵鮮奶茶沖嘅咖啡，適合唔係太飲得咖啡嘅朋友。後來老闆娘介紹先知道，餐廳仲會透過售賣泰國北部清邁山區既咖啡豆，幫助當地農民由種植罌粟，轉型種植精品咖啡，令佢合法賺錢，能夠起學校，讓下一代有讀書機會，以知識改變命運。飲咖啡同時做到善事，一舉兩得！
另外我梗係有叫到最鍾意食嘅All-day Breakfast，每次黎都會嗌佢，豐富得黎份量啱啱好，有肉有蛋又有沙律蘑菇，材料新鮮，乜都有非常滿足，而且塊麵包鬆脆好食！另外我哋仲叫咗啲小食同甜品，甜品係朱古力味英式鬆餅。平時出去食鬆餅最怕佢乾爭爭，但呢度嘅英式鬆餅切開發現入面質感好似心太軟，朱古力味濃郁而且入口即融！至於炸洋蔥圈同埋雞翼非常適合傾住計慢慢食！
最後特別想讚一讚餐廳嘅員工，我哋傾咗咁耐佢不斷幫我哋斟水，仲好樂意同我哋介紹餐廳裏面嘅畫作同埋播放緊嘅音樂影片，發現原來藝術可以咁近。總括嚟講，呢間餐廳值得支持，一定會再幫襯，帶多啲朋友嚟！
鬼佬鴛鴦
$58
3 瀏覽
1 讚好
0 留言
All-day Breakfast
4 瀏覽
0 讚好
0 留言
橙啡
$58
7 瀏覽
0 讚好
0 留言
英式鬆餅
8 瀏覽
0 讚好
0 留言
張貼
