羅麥記 (東薈城名店倉)

營業中

休息中

今日同老公去咗東涌行街，去到就先搵間餐廳食晏，由於到處都人頭湧湧，最後決定去茶餐廳，等位唔使等咁耐。我哋叫咗羅麥炒飯$68同羅麥汁炒河$72。羅麥汁炒河每次都會叫，我同老公都好鍾意個汁，咸咸甜甜的，十分惹味。但今次嘅質素真係有點失望🙍，河粉炒過籠了，一舊舊，「碎濕濕」的，汁又少又唔夠味，同自己屋企炒的無乜分別，無咗羅麥風味。羅麥炒飯相對比較好，飯炒得乾爽，粒粒分明，加入魚干同欖菜後非常惹味，不過有幾啖好咸，可能啲鹽未炒混。食過咁多間羅麥記，哩間都算比較失色。