魚一壽司 (京都廣場)

營業中

休息中

早已聽聞呢間日式餐廳性價比高，有時會出現人龍。今日可以早食lunch，早D去拎位。有吧枱位，今日三人唔岩坐，可以坐四人枱。掃二維碼落單，超多款午市定食選擇，生熟類都有，一時間花多眼亂。最後決定食…………………………………….壽司梅 ($98)定食套餐包括十款壽司，仲有沙律，茶碗蒸及麵豉湯。三文魚，赤身，油甘魚，鱆紅魚，日本魷魚，赤海老，玉子，蟹籽，蟹肉蟹膏及三文魚青瓜卷，兩排上下排列。大路款式，全部都岩食。油甘魚及鱆紅魚比較厚切，入口幾滿足; 飯粒唔會一夾就鬆散，就咁食晒都已經飽肚。茶碗蒸熱辣蛋滑，食埋就梗加飽肚。飲多杯茶，呢餐咁嘅價位，無得輸。