黃金燒味 (已結業)

接老公收工,佢帶我去食好味燒味咁話。我見好多人都推介黃金四寶飯,但作為精明眼既老婆,我覺得二人套餐更加吸引同埋抵到爛!!!!當晚我同老公大約8點去到,店內主打既乳豬已賣晒(好可惜),最後點左燒鵝拼叉燒(如果鍾意食肥既,加$5就有肥膿腩叉)。咸檸蒸烏頭。老火湯都賣晒,我地就加左錢飲淮山杞子響頭燉雞湯。先係送上兩份涼拌木耳,非常好食,夠爽口之餘,調味剛好。好想點多一份,搵晒成份MENU都無得單售(食飽之後,真係好想買返屋企)淮山杞子響頭燉雞湯,足料,清甜。送既係涼伴木耳+白雲鳳爪,因為老公唔食腳指類,我一個人食晒成碟。清菜夠新鮮夠嫩,無渣亦帶甜。咸檸蒸烏頭條魚對我地兩個黎講都算大,蒸既時候岩岩好,唔會蒸得太老。濃濃郁郁既咸檸同檸檬味道。燒鵝拼叉燒色澤好高分,先試個燒鵝(重要係鵝脾),個皮香脆肉汁JUCY,啖啖肉。難怪店員話店內最正係燒鵝同乳豬。下次一定要食到佢既乳豬。至於叉燒肥瘦適中,味道亦中上。總括黎講,係好食既燒味餐廳,我地當晚又燒鵝﹑又叉燒﹑又雞湯﹑又有魚﹑又有菜都係$258。完全無加一。你地話係咪抵到爛,自己買送$258我都買唔返呢個組合。另外,店內好有禮貌,會同顧客傾計,問你D野