Pickabowl (荃新天地2)

營業中

休息中

套餐有A-S共19款選擇，分生肉、熟肉同素菜。生肉主要係魚生，熟肉有雞肉、豬肉、熟蝦同八爪魚。揀咗薑汁松板豬，主食有白飯、糙米飯、黃薑椰菜花、沙律同烏冬等六種，揀咗沾烏冬。配菜組合係和風口味，有烤南瓜、玉子燒、炸豆腐、四季豆同毛豆，仲可以追加半份魚生/熟肉，或者牛油果、泡菜、中華沙律等。主菜薑汁松板豬，薑汁味唔係太濃，但味道唔錯，又腍又入味。烏冬爽滑Q彈，自家製醬油惹味，配菜味道豐富，口感fresh。DIY自選首先揀兩款魚生/熟肉，揀咗慢煮天多利雞同泰式熟蝦，配菜組合揀咗蛋黃，主食揀咗白飯，追加半份西班牙蒜油八爪魚同牛油果，升級套餐加一個溫泉蛋，一個鰹魚昆布湯同一個甜品。慢煮天多利雞雖然係雞胸肉，但都幾腍幾入味，印式香料汁小小辣好惹味。泰式熟蝦爽口鮮甜，泰式魚露鹹香。西班牙蒜油八爪魚蒜香味超濃郁，爽口彈牙。配菜菠蘿、青瓜、蟹籽加濃厚蛋黃醬，非常香甜清爽。加埋鰹魚昆布湯，滑滑溫泉蛋同甜品，好滿足。