漁火海鮮刺身火鍋

營業中

休息中

今日來到一間位於銅鑼灣嘅樓上火鍋餐廳，一坐低發現餐牌菜式選擇有好多，最吸引嘅係有益又滋補嘅火鍋湯底，返咗啲時間睇晒個餐牌，最終揀咗「花膠響螺燉赤肉湯」，店員細心地為我哋介紹建議食法，首先係飲湯，第一碗湯係最濃郁，最原汁原味，餘下嘅湯會繼續留喺煲入邊，直到你示意，店員就會幫你再加上清湯，接着就開始打邊爐，逐一加入火鍋配料，慢慢煮，慢慢食。火鍋開始之前，嚟一碟小食「新鮮炸魚片頭」，即叫即炸，炸到外脆內軟，魚肉爽口彈牙，熱辣辣，新鮮又好食。火鍋配料選擇有好多，我哋揀咗新鮮嘅「脆肉鯇魚片」、「新鮮蟶子皇」、「手工切牛頸脊好滑」、「特色四色手打丸」（包含豬肉丸、蝦丸、墨魚丸等等）、自家製「即炸響鈴」，店員教我哋烹調呢款響鈴，只需要煮3秒，入口依然脆卜卜，好香雞蛋味，又唔會太油膩。超好食，所以兩個人食得晒成碟，我都覺得自己好厲害，食力驚人。飲品有新鮮「竹蔗茅根水」，清心清熱又解渴，好鍾意。整體食材質素極高，價錢合理，非常推介。