DAMA (已結業)

DAMA都唔係第一次食，他們主打健康飲食，每一次來到K11 Musea 都總會來到，食佢地嘅榴槤雪糕，今次來到當然都唔可以例外！有時食野都要講緣份，今日正好有我最愛食嘅榴槤雪糕🍦😋。一段時間無嚟，餐廳更推出了多款不同口味素食雪糕杯，細細杯仲有多種口味，正！還有輕食套餐「植物肉醬長通粉」，真係要一試！榴槤雪糕榴槤雪糕真係每次都要食，榴槤味道濃郁，入口軟滑，令人食到停唔到口。竹炭椰子可可雪糕一打開見到烏黑黑雪糕，食落有一種椰子嘅味道，細味一番，漸漸散發出可可嘅甜美，而雪糕更是純素雪糕，不含牛奶成分，免卻乳糖不耐症人士的煩惱，真係要買多幾款番去慢慢歎。植物肉醬長通粉配粉葛赤小豆扁豆素湯植物肉醬長通粉雖然是以植物肉醬製作成的肉醬，但口感、味道都極似坊間的肉醬，香味及質感均與真牛肉無異，美味濃厚，香味無窮，絕對是素食者嘅一大喜訊！粉葛赤小豆扁豆素湯輕輕一拌，已見到他們真料實料，勁多湯料細煲而成，湯水鮮甜，味道濃郁。