CHiLL-i (已結業)

一直都知駱駝漆大廈出名多開倉店舖,又有好多餐廳,但大部分café都麻麻,但上星期同事去完呢間”CHILL-I”話好食又有打卡位。雖然地方不算太大,但環境乾淨，舒適寧靜,好適合同朋友傾計。點左6樣野，包括小食,主菜,甜品。脆炸扭扭薯條伴黑松露醬，薯條炸得好香脆，配上黑松露醬食，一個字正。椒鹽甜粟米手指 – 感覺有點兒油膩,唔太啱我,但朋友就好鍾意食。白酒藍青口配酸種麵包-青口肉唔算好大,但鮮甜,醬汁用麵包沾著吃一流👍,略鹽太多欖油係麵包上麻辣海龍王意大利飯，唔係好辣帶少少麻,川式混合西式煮法，好特別。呢個飯海鮮料十足，有魷魚，蜆，青口(有少少干)，蝦，仲有大大粒嘅帶子, 海鮮都算新鮮,賣相仲好靚，冇揀錯佢。另外甜品叫左心太軟，普普通通冇咩特別